Houwel oanlaaidens nait mooi, wui t mie letste tied verschaaiden moal glad waarm om t haart.

Alle waarme reakties van lu dai bundeling mit mien gedichten kocht en lezen hemmen; k heb (toch) hailendaal gain spiet dat k wat k oaflopen joar scheven heb, 

'Gain AFTERPARTY' worden is. En op 21 feberwoari het RTV Noord der oandacht oan geven. 

foto F. Emmelkamp RTV Noord

21e feberwoari 2026 wui veur mie n swoare mor tougelieks n bliede dag omredens aalle laive reakies van bekinde en minder bekinde lu.

Maiste exemploaren van de gedichten hemmen nou n goud stee vonnen. Of der meer kommen wait k nait. Messchain n twijde oploage, messchain. 

En aander gedichten aaltied. 

Ain ding zee Henk ook voak: poëzie helpt, om te lezen én om zulf te schrieven.

Dat is aaltied zo west; poëzie blieft. Omtoch.

Omreden t 21 feberwoarie n joar leden is 

dat Henk oet tied kwam  

omreden k vernommen heb dat der lu binnen 

dai zug nait zo miesderg vuilen deur dizze gedichten, 

omreden ... Omtoch. 

De bundeling 'Gain AFTERPARTY' 

bestait oet zeven gedichten in Hooghaarlemmerdieks 

en aine 'Ik schrief' in Grunneger Toal. 

.

As je belangstellen hemmen veur dizze bundeling, 

loat moar waiten; veur € 15,- kriegen je aine per post (binnen Nederland). 

Alles wat overblieft noa aftrek van de kösten is veur Dichterliek Notenwaark. 

Dichterliek Notenwaark is bedould om nije poëzie in n Nedersaksische toal 

op zingboare muziek oet te voeren.

©Jos Rietveld Scholte

Aandachtig de leefwijze van Henk Scholte 
om te delen met anderen die daar iets aan hebben.

Medio februari 2026 verschijnt

'Ik mis de dialoog' 

uit de bundeling 

'Gain AFTERPARTY' 

©Jos Rietveld Scholte

gedichten over Liefde, Verlies en Rouw